У Беларусі засталося ўсяго 1 тыс. 108 турфірмаў. Колькасць занятых у сферы турызму за апошнія 5 гадоў у сярэднім скарацілася на 70 тыс. чалавек, пры гэтым кошт тураў, купленых турыстамі і экскурсантамі, толькі за апошні год вырас амаль удвая, паведамляе «Белсат» са спасылкай на Белстат.
За апошнія 5 гадоў колькасць турфірмаў у Беларусі скарацілася ў 1,5 раза. Толькі за мінулы год іх закрылася 95.
Дакавідны аб’ём турыстычных плыняў у краіне так і не аднавіўся. Доля турыстаў, якія выязджалі ў краіны СНД, скарацілася за 5 гадоў з 32,5 да 24,8 %. Доля турыстаў з краінаў СНД вырасла за гэты ж час з 78,6 да 88,7 %.
У параўнанні з 2019 годам на адпачынак за мяжу беларусы цяпер выязджаюць у два разы радзей – усё часцей падарожнічаюць па Беларусі. Толькі за мінулы год колькасць унутраных турыстычных паездак вырасла на 15,6 %, але гэта ўсё роўна толькі на 4,3 % больш, чым у 2019 годзе.
вс
